Bi hilabetetan presoei elkartasuna etxetik adierazi diete herritarrek; egubakoitz honetan, ordea, presoen eskubideen aldeko elkarretaratzeari berrekingo diete. "Euskal presoen egoera larria eta jasanezina da eta egubakoitzean kalera bueltatuko gara. Herriko plazan 19:00etan batuko gara Preso eta iheslariak etxera lelopean. Segurtasun neurriak hartzeko leku zabala hartuko dugu", jakinarazi dute.
Santa Ritaren omenezko meza esango dute. Elizkizun xumea izango da –kanturik ez da izango–, eta 52 lagunendako bakarrik egongo da lekua, ezarritako segurtasun neurriak betetzeko. Ohiturari eutsiz, arrosak bedeinkatuko dituzte.