Bigarren txapeletik hirugarrenerako saltoa "ezin eman" geratu da Erle San Migel torneoan

Joan den domekan, 42. San Migel torneoko finalak jokatu zituzten Oñatin. Nagusietan, Iñaki Galarzak eta Julen Sotilek aise menderatu zituzten Iñigo Erle oñatiarra eta Beñat Apezetxea (22-8). Sei alditatik bostetan heldu da finalera Erle, eta bi aldiz irabazi ostean, hirugarren txapela jantzi ezinda dabilela onartu zuen. Gazte mailan berriz, Aratz Ormaetxea bergararrak eta Iker Izagirrerek eskuratu zuten garaipena, Manex Olaiz eta Aitor Etxebarriari 22-17 irabazita.