2021eko abenduaren 10ean, domeka, itxi zuten Udana, euriteen ondorioz errepidea zartatu zelako –Arlaban ere itxita egon zen hainbat astez–. Gipuzkoako Foru Aldundiak adierazi zuenez, "50 metro luzeko eustorma bat" erori zen.
Geroztik, hainbat aldiz izan da hizketagai Oñati eta Legazpi lotzen dituen GI-2630 errepidea. Urtarrilean hasi ziren konpontze lanak, Aldundiak 315.000 euroko aurrekontua esleitu ostean. Martxoaren 16an "behin-behineko errei bat" irekiko zutela iragarri arren, egun bat geroago ez zutela irekiko jakinarazi zuten, garraiolarien grebak irekitzeko falta ziren lanetan eragina zuela argudiatuta –tartean, kamioi bat ere irauli zen obretan–.
Bada, errepidea itxi eta 111 egunera, berriz erabilgarri dago ibilgailuentzat Udana mendatea.
