Hasi dituzte Udanako eta Arlabango obrak

Abenduan izandako euriteek sortutako pitzadurak konponduko ditu Aldundiak. Lanak bukatu arte, Udana itxita egongo da. Aldiz, Arlabanen, laster zabalduko dute errei bat, hamabost tona baino gutxiagoko ibilgailuendako.

Arlabanen, errepidea konpontzeko lanak hasita daude, eta egun gutxiren buruan errei bat irekiko dute 15 tonatik beherako ibilgailuak bertatik pasa daitezen. Mendiari eusteko horma ezarriko da asfaltoa hondoratuta dagoen eremuan, eta, lanek lau hilabeteko epea dute. Baina, laster, errei bat irekiko dute. Milioi eta erdi euroko aurrekontua bideratuko Foru Aldundiak GI-627 errepidea konpontzera.

Udanakoa, apirilerako

Udanan ere hasi dituzte euriak eragindako pitzadura konpontzeko lanak. Errepide azpiko lurra mugituta dago. Errepideari eusten dion horma berriro finkatu beharko dute. Era berean, 15 metroko luzera hartuko duen mikropilote pantaila berria egitea aurreikusten da.

Lanak egiteko hiru hilabete eta erdiko epea eta 315.000 euroko aurrekontua zehaztu du Aldundiak. Hortaz, lanek irauten duten bitartean ezustekorik ez badago,  apirilerako amaitzea espero da. Baina bitartean, Udanarako errepideak itxita jarraituko du.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.