2021eko abenduaren 10ean, domeka, itxi zuten Udana, euriteen ondorioz errepidea zartatu zelako –Arlaban ere itxita egon zen hainbat astez–. Gipuzkoako Foru Aldundiak adierazi duenez, "50 metro luzeko eustorma bat" erori zen.
Urtarrilean hasi ziren konpontze lanak, Aldundiak 315.000 euroko aurrekontua esleitu ostean. Hiru hilabete eta erdiko epea aurreikusi zuten orduan, eta "apirilaren erdialderako amaitzea aurreikusten du" erakundeak. Hala ere, eta lanek "nabarmen aurrera" egin dutela iritzita, egubakoitzean "behin-behineko errei bat" irekitzeko hautua egin dute. "Trafikoari ahalik eta kalte gutxien" eragitea da erabakiaren helburua.
Ondorioz, egubakoitzeko 13:00etik aurrera Oñati eta Legazpi GI-2630 errepidearen bitartez lotu ahal izango dira.