Eguazten goizeko istripuaren eta eguerdiko irekiera iragarpenaren ostean, eguen arratsaldean ere berbagai da Legazpi eta Oñati lotzen dituen GI-2630 errepidea. Hain zuzen, Gipuzkoako Foru Aldundiak 2020ko abenduko euriteetatik itxita dagoen Udanako portuak itxita jarraituko duela jakinarazi du prentsa ohar bidez.
Aldundiak bidalitako oharrean berariaz adierazten denez, "garraioaren grebak eragina izan du irekiera hori posible izan zedin egin gabe zeuden lanetan" –astelehenetik, hainbat kamioilari lanuzte mugagabea egiten ari dira–; beste hitz batzuetan, lanuzteak eragina izan du errepidean egiteko gelditzen diren lanetan. Ondorioz, "ezinezkoa da zabaltzea".
Data berririk ez
Horrez gain, ez dute irekiera-data berririk ezarri, "gaur egun ezin dela zehaztu" iritzita.