Hauek daude alebinen taldean: Julen Alkalde, Enaitz Arkauz, Enaitz Garai, Aner Uribesalgo, Unax Santxez, Garazi Estebez, Urko Retegi eta Jon Pozos. Entrenatzailea Gaizka Beloki da.
Infantiletan, ostera, ziklista hauek hartuko dute parte: Gari Arzuaga, Oihan Uroz, Liher Unzueta, Andoni Azkarate, Asier Azkarate, Joseba Rodriguez, Iñigo Rodriguez, Martin Abarrategi eta Koldo Zubia. Horien guztien gidaritzapean dago Raul Blazquez entrenatzailea.
BTT edo mendi bizikletako taldea, bestetik, txirrindulari hauek osatzen dute: Mikel Iribekanposek, Beñat Burgik, Julen Axpek eta Markel Uriartek. Andoni Axpe izango da horien entrenatzailea.
Beste urte batzuetan baino txirrindulari gutxiago izango ditu taldeak aurten, baina Junkal Perez Dorletako Ama taldeko zuzendaritza batzordeko kideak adierazi du lan egiteko gogoz daudela: “Aurten gutxitxo gelditu gara taldean baina gauzak egiteko gogoz gatoz. Beste urte batzuetan eduki izan ditugu kadeteak, jubenilak, hiru urtetan afizionatuak ere bai... baina aurten jendea jubeniletara pasa denean ez dute jarraitu, orduan txikiekin bakarrik gelditu gara”.
Aurkezpena meza eta guzti
Leintz Gatzagako Dorletako Santutegian izan zen aurkezpena urtero moduan. Baina aurten, aurkezpenaren aurretik meza eta guzti izan zuten txirrindularien Ama Birjinaren santutegian. Ordu erdi inguru iraun zuen mezak eta apaizak mezu hau igorri zien gaztetxoei: "Txirrindulariok bata bestearen lagun izan behar zarete". Aldarean Dorletako Ama taldeko bi kamiseta jarri zituzten meza garai horretarako.
Lehenengo lasterketa, hurrengo asteburuan
Datorren asteburuan hasiko dira lasterketekin txirrindulariak eta Oñatin izango da lehenengo lasterketa. MUko fakultatearen inguruan egingo dute.
