Golden Apple Quartet-en umore dosia Espaloian zapatuan

2011. urtean estreinatu zuten 'Erase una vez... Los Golden' lana, urteurreneko ospakizunen biran. Donostiako taldearen ibilbidea laburbiltzen duen ikuskizuna, bada, Espaloira ekarriko dute bihar, zapatua, 22:30ean.

Sarrerak 15 eurotan eskura daitezke, Espaloia.com eta Kulturalive.com atarietan eta baita Espaloiako leihatilan zein Bergarako Artekale kalean dagoen Pikupe Produkzioen egoitzan ere. Goibeko euskara elkarteko bazkideendako, berriz, 10 eurotan.

Musika umporeaz jantzita

A cappella zein musikaz lagunduta kantatutako abestiak eta umorea dira Loyola Garmendiak (zuzendaria eta baritonoa), Edu Errondosorok (tenorea eta eszenaratze lanen arduraduna), Manu Romanok (baxua) eta Kike Otxoak (baritonoa) osatzen duten taldearen osagai nagusiak. "Une batez arazoak ahaztu eta ikusleari ondo pasatzeko tarte bat eskaintzea izan da Goldenek hasieratik izan duen helburua; eta, ondorioz, taldeari izaera eman dion ezaugarria. Bat nator aurrekoan egunkarian irakurri nuen honakoarekin: Osakidetzak Golden taldea errezetatu beharko lukeela, ibuprofenoa baino onuragarriagoa delako. Barrez lehertuko zarete", dio Kike Otxoa kideak.

Bizipenak, ipuin formatuan

Ordu eta erdi pasa irauten duen musika ikuskizunean, ipuin bat balitz bezala, taldearen 25 urteotako bizipenak kontatzen dituzte, off-eko ahots batek lagunduta. "Golden Apple Quartet-en esketx edo kantu ezagunak batu ditugu, bereziki; horien artean, Buen menu klasikoa, baina baita boleroak, kantu rockeroagoak, gospela... hau da, gure ibilbideko izarrak. Eta kantu berriak ere sartu ditugu", gaineratu du.

Lau aktore-abeslariak dira taularen gaineko protagonista bakarrak. "Agertokia hutsik dago, gu laurok nahikoak gara istorio hori kontatzeko. Oso dinamikoa da; orain, Alpeetan gaude, gero Veneziara goaz eta gero Afrikara...", esan du Otxoak.

Elgetara, Pikupek ekarrita

Lagun batek gomendatuta jo zuen Karlos Etxanizek (Pikupe Produkzioak) laukotearengana. Elgetara etortzeko proposamena egin eta aurrerantzean taldearen manager lanak egitea adostu zuten gero: "Oso jator hartu gintuzten, eta, taldearen manager bakarrak ez garen arren, gure eskaintza-karteran ditugu orain. Telebistan ikusita ezagutzen nituen eta 2001. urtean Bergarako Orkestra Sinfonikoarekin egin zuten kontzertuan ikusi nituen lehenengoz. Miresgarria da ahotsekin jolasteko eta barre eragiteko duten trebezia; edonork ondo pasatzeko ikuskizuna da", dio Etxanizek.

Urte amaieran erakutsi gura dute labean dutena; oraindik ere soka luzea dute, bada.

Erlazionatuak

Disko berria Bergaran aurkeztuko du Mikel Markezek

Bergara

Mikel Markez bakarlariak 'Indar bat dabil hor' diskoa aurkeztuko du kontzertuan, domekan, hilak 6, Bergarako Zabalotegi aretoan, 19:00etan.
Debagoieneko musika eskolen topaketa gaur Eskoriatzan

Debagoiena

Oñatiko, Bergarako, Arrasateko, Aretxabaletako, Eskoriatzako eta Soraluzeko musika eskolek hartuko dute parte Eskoriatzako musika eskolen topaketan...
Aste bukaeran... zer?

Debagoiena

Udaberriko X. musikaldian Andoni Egaña Arrasaten; Zea Mays + Anai arrebak eta Golden Apple Quartet Elgetako Espaloian; Discipulos de Dionisos mitik...
Zea Mays eta Anai-arrebak taldeak Espaloian izango dira barikuan

Elgeta

Asteburuko egitaraua lepo beteta dute Espaloian. Zea Mays eta Anai-arreba taldeek kontzertua egingo dute, gaur, egubakoitza, 22:30ean. Sarrerak 10 ...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.