Debagoieneko musika eskolen topaketa gaur Eskoriatzan

2011n Oñatin ospatutako Debagoieneko musika eskolen topaketako emanaldi bat.
Oñatiko, Bergarako, Arrasateko, Aretxabaletako, Eskoriatzako eta Soraluzeko musika eskolek hartuko dute parte Eskoriatzako musika eskolen topaketan. Arratsaldeko sei eta erdietan hasi eta ordu eta erdi inguru iraungo du kontzertuak. Musika saioaz gain, bestalde, merienda emango diete ikasleei, eta luntxa egongo da irakasleentzat.

Guztira, ehun ikasle inguruk hartuko dute parte. Adin tarte zabaleko ikasleak izango dira; gehienbat, 5 urtetik aurrerako haur eta gazteak izango diren arren, helduen talderen bat ere egongo da tartean.

Musika eskola bakoitzetik hainbat talde egin ohi dira ekitaldi horretarako. Zentro bakoitzak hamar minutu izango ditu, eta, eskain dezaketenaren arabera, eskolek beraien programazioa antolatzen dute. Hala ere, bizpahiru pieza joko ditu musika eskola bakoitzak.

Hamaikagarren urtea da topaketa horiek antolatzen direla. Aurten eskoriatzarrek antolatu dutenez, azkenak joten izango direla jakinarazi du Araceli Telletxeak, Eskoriatzako Musika Eskolako zuzendariak: "Anfitrioiak garenez, bestalde, ikasleen bi emanaldiez gain, irakasleok ere obra bat joko dugu".

Antolakuntza

Debagoieneko musika eskolen topaketa antolatzeko orduan hainbat laguntza izan dituzte. Gurasoen laguntza handia izan dutela dio Araceli Telletxeak: "Ekitaldia antolatzeko orduan, batez ere". Eskoriatzako Musika Eskolako zuzendariaren esanetan, bestalde, "topaketa hauen gastuak ez dira oso handiak izango; izan ere, lokala eta materia batzuk Udalak utzi dizkigu". Era berean, Udala arduratuko da soinu ekipoaz eta material handienak kiroldegira eramateaz.

Ekitaldiaren aurretik nekatuta eta urduri amaitzen dutela dio Araceli Telletxeak, "obrak prestatzeak eta entseguak egiteak lan handia eta denbora luzea" eskatzen du-eta. Hala ere, egun polita izan ohi dela dio, eta dena ondo irtetea espero du.

Erlazionatuak

Golden Apple Quartet-en umore dosia Espaloian zapatuan

Elgeta

2011. urtean estreinatu zuten 'Erase una vez... Los Golden' lana, urteurreneko ospakizunen biran. Donostiako taldearen ibilbidea laburbiltzen duen ...
Disko berria Bergaran aurkeztuko du Mikel Markezek

Bergara

Mikel Markez bakarlariak 'Indar bat dabil hor' diskoa aurkeztuko du kontzertuan, domekan, hilak 6, Bergarako Zabalotegi aretoan, 19:00etan.
Aste bukaeran... zer?

Debagoiena

Udaberriko X. musikaldian Andoni Egaña Arrasaten; Zea Mays + Anai arrebak eta Golden Apple Quartet Elgetako Espaloian; Discipulos de Dionisos mitik...
Zea Mays eta Anai-arrebak taldeak Espaloian izango dira barikuan

Elgeta

Asteburuko egitaraua lepo beteta dute Espaloian. Zea Mays eta Anai-arreba taldeek kontzertua egingo dute, gaur, egubakoitza, 22:30ean. Sarrerak 10 ...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.