'Potologuak' lanari esker Elgetan izan dute Euskal Herriko zazpi plagen berri

Duela bi urtetako 'Bodologuak' lanaren jarraipena da 'Potologuak', eta estreinaldia egin zuten atzo, egubakoitza, Elgetako Espaloia kafe antzokian. Umorez tindatu zuten gaua Mikel Pagadi, Egoitz Lasa eta Nagore Aranburu hirukoteak.

Eta Potologoak lanak ere jendea barrez ipini zuen; asko izan ziren Espaloira bertaratutakoak eta umorezko saioari bikain erantzun zieten ikus-entzuleek.

Bina bakarrizketa egin zituzten: Pagadik opariak eta tabernak izan zituen berbagai; Lasak ostera, anai txikia izatea zer den azaldu zuen umore klabean eta bigarren bakarrizketan teknologiak izan zituen hizpide; Aranburuk guraso izateari eta medikuei buruz egin zuen berba.

Potologuak ikusiz gero, hiru aktoreak euren paperarekin eroso sentitzen direla ikusten da, beraiek idatzi dute-eta gidoia. Eta euren bizipenetatik abiatutako bakarrizketak sortu dituzte.

Eta gainera, bakarrizketa on batek behar duen osagaiak ditu, garrantzitsuena, ikus-entzuleak egoerekin identifikatuta sentitzea. Hala, Aranburuk esaterako honako bi galdera planteatu zituen: zergatik joan behar da odola ateratzera gosaldu barik? edo zergatik estaltzen dugu pixa daraman ontzia aluminiozko papelarekin analisiak egiten ditugunean? 

Oso hizkuntza naturalean, lagun-arteko giroan landu zituzten euren gaiak Espaloira gerturatu zirenen aurrean, eta horrek emanaldia gertuko izatea ekarri zuen.

Gainera, Elgetan elkartu zirenek badakite umorista hauei esker Euskal Herriko zazpi plagak zeintzuk diren: surfistak, batukadak... eta gehiago jakin gura duenak, hurrengo emanaldia ikus dezala!

Erlazionatuak

Oñatiko abesbatzak lasai egon daitezke: harrobia osasuntsu dago

Oñati

'Ikastetxeak kantari' ekimenean parte hartzen duten umeek kontzertua eskaini zuten zapatuan; bertan, euskaraz gain, beste hainbat hizkuntzatan abe...
Asteburua iruditan

Debagoiena

Debagoienako hirugarren Artzai Eguna Bergaran, Merkemerkaua Arrasaten, Txapel Txin Aretxabaletan edota 'Potologuak' antzerkiaren estreinua Elgetan....
Olinpiar hiria bihurtu du Aretxabaleta Txapel Txin 'Botilak'

Aretxabaleta

Olinpiadetako zuzia eskuan tente zuela agertu zen atzo ilunkaran Txapel Txin, Durana kalean. Eta herritarrek ez zioten hutsik egin; Herriko Plaza b...
Bildots erre usainaren bueltan igaro da Debagoieneko Artzainen III. Eguna

Bergara

Ardi latxa ezagutzera emateko jokoa, haurrentzako gosaria prestatzen ikasteko tailerra, ibarreko gazta ekoizleen produktuak eta burduntzian erretak...
Lagun asko ibili da Merkemerkauan azken mauken bila

Arrasate

Ibai-Arte merkatarien elkarteak antolatutako Merkemerkauan giro ederra izan zen atzo, zapatua. Eguraldia lagun jende asko animatu zen merke-merke e...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.