Plaza barreneko ikurrinaren lekuan olinpiadetako bandera jaso zuten eta olinpiadetarako gertu azaldu zen Txapel Txin. Ondoren sariak banatu zituen. Txapelik onenaren saria Susana Da Silvak jaso zuen, ezkontza tarta zeraman buru gainean.
Eta torradarik goxoenen egileak ere saritu zituzten: lehen saria, Basabe tabernarendako (Josu Agirianok jaso zuen); bigarrena, Iker Altunarendako (azken urteotako txapelduna) eta hirugarrena, Amaia Altuberendako.
Ondoren, umeek argazkiak atera gura izan zituzten Txapel Txinekin: "Olentzero izango banintz moduan sentitu naiz", zioen horrek.
Eta bukatzeko, txistorra, torradak eta sagardoa izan zituzten herritarrek gura beste Karnabalen Lagunak taldearen eskutik.
