"Txantxiku Ikastolak egun honetarako jarririko aurreikuspenak bete ez, gainditu egin dira"

Mirari Altube Arrese 2017ko ira. 24a, 18:24

Antolatzaileak oso pozik agertu dira Kilometroak Jaiak eman duenarekin: "Egun biribila izan da, bikaina". Eta bertaratu diren guztiei eta eguna arrakastatsua izan zedin lan egin duten boluntario guztiei esker ona adierazi diete.

"Txantxiku ikastolak eskerrak eman dizkiete euren proiektua babestera hurreratutako guztiei eta eguna biribila izan zedin lan egin duten boluntario guztiei. Egun biribila, bikaina izan da, gaur, Oñatin, ospatu den Kilometroak jaia. Bertaratu diren milaka ikastolazalek Oñati bete dute, eta Txantxiku ikastolaren proiektuak aurrera egin dezan bultzada handia eman diote", adierazi dute.

Era berean, egun bikaina izateko osagai ugari zituela jaiak gogorarazi dute: "Askotariko kultur eta ikuskizun eskaintza, gazteentzako Erronka lehiaketa, artzain txakur txapelketa, jateko eta edateko gune ugari, jolasteko espazio handiak. Horri guztiorri eguraldi bikainak lagundu dio. Eta jendeak bikain erantzun du".

"Normaltasuna eta aparteko giroa"

Aipatzeko gertakaririk ez dela izan gaineratu dute: "Aitzitik, dena normaltasunean eta giro bikainean igaro da". Zirkulazio arazorik ere ez dela izan esan dute: "Arazo bakarra Legazpin izan da, goizean autobus zerbitzuak ez duelako behar bezala funtzionatu. Behar baino denbora gehiago zain egon behar izan dutenei barkamena eskatu diete antolatzaileek".

Oñatiko paraje ederrez gozatzeko aukera eskaini gura izan diotela bisitariari ere adierazi dute: "Zirkuituan zehar egokitutako lau guneetan jende mordoa egon da uneoro eta antolakuntzak prestatutako egitarau zabal eta askotarikoa arrakastatsua izan da. Dena espero bezala joan da eta ordutegiak errespetatu dira. Kontzertuak oso jendetsuak izan dira. Kale animazioa ere orekatua izan da, eta uneoro egon da proposamenen bat, kaleak alaitzen".

Eta datu batzuk eman gura izan dituzte: 1.600 lagun antolakuntza lanetan "urtean zehar horrenbeste landutako auzolanaren emaitza"; 180 karabanatik gora "aurreikuspen guztiak gaindituta"; 750 bizikleta unibertsitatean egokitutako aparkalekuan, "bizikletaz joateko egindako deiari sekulako erantzuna emanaz debagoiendarrek". 

 

Erlazionatuak

Bizikletan doaz asko Kilometroak jaira

Mirari Altube Arrese 2017 ira 24

Jende uholdea dabil iristen Oñatira

Mirari Altube Arrese 2017 ira 24 Oñati

Omenaldia eta testigu aldaketa

Mirari Altube Arrese 2017 ira 24 Oñati

Jendetza Kilometroakeko ibilbidean

Mirari Altube Arrese 2017 ira 24 Oñati

Irekiera ekitaldia

Mirari Altube Arrese 2017 ira 24 Oñati

Boluntarioak geratu barik lanean

Mirari Altube Arrese 2017 ira 24 Oñati

Haurtzaro ikastolak irabazi du Erronka

Maite Txintxurreta 2017 ira 24 Oñati

Anje Duhaldek herriko plaza bete du

Imanol Beloki Unamuno 2017 ira 24 Oñati

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak