Banako berdinketa Agorrosinen, Bergararen eta Aloñaren arteko derbi ederrean

Derbi ederra jokatu dute gaur Bergarak eta Aloña Mendik Agorrosinen. Intentsitate handiko lehia izan da –gogorra ere, hainbat jokalditan–, bi taldeetako jokalariak hustu egin dira garaipenaren bila, eta tarteka jokaldi politak ere ikusi dira. Oñatiarrek ordu erdi luzea egin dute hamar jokalarirekin, baina bergararrek ez dute arerioen atea bigarrenez zulatzen jakin; penalti bat huts egin dute, gainera. Zelaian ikusitako jokoari erreparatuz, justua izan da berdinketa.