Sufrituta hartu du mendean MUk azken sailkatua (66-61)

Gaur Iturripen egon denak argi ikusi du EBA mailan garaipena garesti dagoela. Mondragon Unibertsitateak gogotik izerditu behar izan du azken sailkatua menderatzeko, Burgostik etorritako Grupo Santiago De Automocion taldea, hain justu. Eta hori aste zail bat ostean –itoginen ondorioz ezin izan dute ganoraz entrenatu– etxeko taldea oso ondo aritu dela, defentsan bereziki. Lehen bi laurdenetan kanpokoak izan dira nagusi (14-18/15-18) eta beraz, atsedenaldira galtzen heldu dira etxekoak. (29-36). Hala ere, hirugarren eta laugarren laurdenean (15-6/22-19) gehiago izan dira Josu Larreategiren mutilak. Amaieran, merezitako garaipena arrasatearrendako: 66-61.