Baloiaren jabe izan arren, Mondrak ez du golik egitea lortu (0-0)

Ohorezko Erregional Mailara igotzeko helburuari begira Mondrak ez du emaitza onik lortu gaur Ikasberri taldearen aurka. Baloiaren jabetza eta iniziatiba eurena izan da baina ezin izan dute aukerak sortu eta sortutako apurrak ez dituzte aprobetxatu. Nahi eta ezin aritu da Mondra: "Baloia denbora luzez izan dugu gure oinetan baina sakontasunik gabe ibili gara", adierazi du Gotzon Urzelai entrenatzaileak. 

Atea defendatzera irten da Ikasberri; baloirik ez zutenean bosna jokalariz osatutako bi linearekin eta baloia zutenean –gutxitan– bost atzelarirekin, lau erdilarirekin eta aurrelari bakar batekin. Horren aurrean etxekoek ez dute jakin aurkarien sarea zulatzen; Mondra eroso zegoen atzean baina aurrera begira eskas, eta hori izan da, hain justu, Ikasberrikoen helburua. 

Aukera garbiena 92. minutuan

Aukera gutxi izan dira baina partidua deskontuan zegoela, 92. minutuan, Iker Lopezek izan du 1-0ekoa egiteko aukera ederra, atea ia hutsik zuela kanpora bota du baloia. Horren aurretik epaileak ez du penalti bat adierazi, Ikasberriko atzelari batek baloia eskuarekin ukitu ostean: "Ez da aitzakia, ezin gara horrela justifikatu. Halako planteamendu defentsiboen aurrean ere nola jokatu landu beharko dugu entrenamenduetan", dio Urzelaik.

Hurrengo jardunaldian Azkoitin jokatuko dute sarrailagileek, azken bigarrena den Anaitasunaren aurka. Liderra, Getariako Keta taldea, hamar puntura dago dagoeneko. 

Erlazionatuak

Euskal futbol derbia Aritz Gordoren begietatik

Debagoiena

Banakako berdinketarekin amaitu da bizkaitar eta gipuzkoarren arteko futbol derbia. Reala hobea izan da lehen zatian eta Athletic bigarrenean. Azke...
Ondo hasi baina gaizki bukatu du Bergarako eskubaloi taldeak Bilbon

Bergara

Gorputzaldi txarrarekin bueltatu ziren Bergarako eskubaloi taldekoek Bilbotik zapatuan. 25 eta 23 galdu zuten Escolapios taldearen aurka, baina leh...
Ondo jokatu arren, bi puntugatik galdu zuten Aloña Mendiko neskek

Oñati

Euskadiko Txapelketaren barruan, Aiala taldearen aurka jokatu zuten Aloña Mendiko eskubaloiko neskek zapatuan Zarautzen, eta 22 eta 20 galdu...
Puntu bakarragatik, baina irabazi egin du Ford Mugarrik Tolosan

Arrasate

Tolosaren aurka jokatu zuen Ford Mugarrik zapatu arratsaldean eta irabazi egin zuen. Partidu "gogorra eta zaila" izan zela dio Pablo Gartzia entren...
Parte hartze handia Santamasetako krosean

Arrasate

270 korrikalari ingururekin –iaz baino 100 bat gehiago– jokatu zen atzo eguerdian Arrasaten, Santamas krosa. Arrasate Runners izan da k...
Banako berdinketa Agorrosinen, Bergararen eta Aloñaren arteko derbi ederrean

Bergara Oñati 1

Derbi ederra jokatu dute gaur Bergarak eta Aloña Mendik Agorrosinen. Intentsitate handiko lehia izan da –gogorra ere, hainbat jokaldit...
Sufrituta hartu du mendean MUk azken sailkatua (66-61)

Arrasate

Gaur Iturripen egon denak argi ikusi du EBA mailan garaipena garesti dagoela. Mondragon Unibertsitateak gogotik izerditu behar izan du azken sailka...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.