IRPH Stop eta Stop Kaleratzeak elkarteek hainbat itaun eta mezu helarazi zizkieten Kutxako kontseilariei. Batetik, epaileak maiatza hasieran kaleratutako epaiari helegitea ez jartzea, epaia aplikatzea, eta, beraz, IRPH indizeak bertan behera utzi eta Euribor +1 indizea ezartzea. Bestetik, Kutxabanken hipotekek sortutako kaltetu guztiei dirua bueltatzea.
Bozketa bidez hartu zen erabakia, eta berdinketa espero bazen ere, EH Bilduk aldeko zazpi botorekin irabazi zuen. PSE-PP-PNV alderdiek osatutako taldeak IRPH indizea bertan behera uztearen kontrako bost boto eman zituen, eta Pixkanaka sindikatuaren botoa ere gehitu zitzaion. CCOO sindikatuko ordezkaria abstenitu egin zen, eta DYAko ordezkaria ez zen aurkeztu.
Epaitegiak Kutxa zigortu zuen Tolosako bikote bati IRPH indizea aplikatzeagatik. Epaia kaleratu ostean, IRPHaren kaltetuek beste 30 salaketa jarri dituzte Kutxaren kontra.
