Joko polita eta intentsitate handikoa bizi izan zen Bergara eta Aretxabaletaren arteko derbian. Derbia zela eta Agorrosingo zelaiaren egoera ikusita, espero baino joko gehiago izan zen, eta aukerak izan ziren bi ateetan. Baita hiru penalti ere, baina jaurtitzaile batek ere ez zuen asmatu.
Sailkapenari begiratuz gero, UDA izango litzateke faboritoa baina beste behin ere argi geratu zen derbien aurrean estatistikek ezer gutxirako balio dutela. Izan ere, Nicasio Galan 'Neka'-ren mutilek merezimenduz hartu zuten mendean Aretxabaletako taldea. UDAk ere izan zituen aukerak, baina atzokoan Juanan Cruzen mutilak ez ziren batere fin ibili.
Protagonisten iritziak, asteleheneko Goiena paperean.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.