Bederatzi lagunek ekarri dute organoa Frantziatik gaur bertan, eta Oleak nabarmendu du "esperientziadun langileak" direla. Hiru astetan konpontzeko asmoa dute, eta goiz eta arratsaldez egingo dute lan, domeketan izan ezik. Lan "potoloa" da, 2.343 tutuz osatuta dagoen pieza baliotsua baita Stoltz Freres organoa. Muntatu ondoren, berriz, afinatu egin behar da, eta, beraz, ez dakite noizko egongo den prest; alabaina, espero dute San Pedro egunerako, ekainaren 29rako, erabilgarri egotea eta zerbait berezia egin ahal izatea.
Ez da zaharberritze lan bakarra izan, ordea, Artez estudioko langileak ere buru-belarri aritu baitira organoaren kutxa eta hango figurak garbitzeko lanetan.
