Nerea Lazpiur: "Gure begiekin ikusi dugu babestutako itsaso eremuetan nola loratzen den bizitza"

Gaur estreinatuko dute Eibarren, Cinemasub Donostiako Nazioarteko Itsaspeko Zinema Zikloaren barruan egileen artean Nerea Lazpiur bergararra duen Hiru itsasargi izeneko dokumentala. Urpekaritza eta batez ere apnea kontuetan urtetako eskarmentua duen Lazpiurrek Xabier Urrestirekin  eta Fernando Calvorekin batera ondu du ikus-entzunezkoa eta hirurek ere itsasoarekiko duten sentsibilitatea izan da berau egiteko abiapuntua.