'Guk emakumeok' erakusketa inauguratu dute Aroztegi aretoan

Guk emakumeok erakusketa zabaldu dute Aroztegin. Emakume artisten erakusketa da; hain zuzen, Bergaran bizi edo bergararrak diren 25 emakumeren sormena jasotzen du erakusketak. Emakumeen gorputzaren gaineko lanak dira; margolanak, eskultura, bideogintza, zeramika... denetariko arte diziplinak ikus daitezke.

Martxanterak talde feministak eta erakusketan parte hartu duten artisten elkarlana izan da erakusketa. 25 artistaren lanak batu dituzte, hainbat diziplinetan lan egiten duten artistak.

Gizarteak ezarritako arautatik kanpo

Inaugurazio ekitaldia jendetsua izan zen. Saioa Leturiak eta June Odriozolak Maite Ariztegik egindako bertsoa abestu zuten, Badira hiru aste doinuarekin. Ondoren txalaparta jo zuten, eta  bitartean Serena Velezek dantza egin zuen.  Gizarteak emakumeari ezartzen dizkion arauen gaineko performance bat izan zen: gorputza kaxa baten sartu nahian ibili zen, baina ezin izan zuen.

Ana Abajo Lazcanok antzerkia egin zuen; oholtza gainean beste bost emakumeren laguntza izan zuen. Sagarraren inguruan jardun zuten, Evak hoska egin zuen sagarra, hain zuzen.

Emakumearen gorputzaren inguruko lanak batzen ditu erakusketak. "Artista batzuk gorputza bere horretan erakutsi dute, eta beste batzuk emakumea erakutsi dugu ekintza ezberdinak egiten", azaldu du Justina Elexpuru margolariak.

Bost gune, bost kolore

Bost gunetan bereizi dute erakusketa: bost gune eta bost kolore: morea, berdea, gorria, beltza eta zuria. Horrez gain, Aroztegi aretoko sabaian tela zuri bat zintzilikatu dute "gorputzeko azalaren itxura" erakutsi guran, azaldu du Julia Pajares erakusketa koordinatzaileak.

Pajaresek azaldu du erakusketaren helburua dela emakume artisten lana ezagutzera ematea. "Artista gizonarekin lotzen dugu, eta emakumearen lana musa izatera mugatzen da askotan. Bada, erakutsi gura izan dugu emakume artistak ere badaudela".

Erakusketaren ordutegia

Martxoaren 25era arte egongo da erakusketa zabalik. Ordutegia ondokoa da: martitzenetik egubakoitzera 18:00etatik 20:30era; zapatutan 12:00etatik 14:00etara eta 18:00etatik 20:30era; eta, igande eta jaiegunetan 12:00etatik 14:00etara.

Erlazionatuak

Emakumeen gorputzak, emakumeek sortuta

Bergara

Guk emakumeok erakusketa ikusteko aukera dago Aroztegi aretoan, martxoaren 25era arte. Bergaran bizi edo bergararrak diren 25 artistaren lanak jaso...
Emakumeek egindako askotariko artisautza eta bestelako produktuak izan dira Biteri plazan

Arrasate

Martxoaren 8ko egitarauaren barruan, Emakume Artisau eta Baserritarren Azoka izan da gaur Biteri plazan. Guztira, 60 postu izan dira, emakumee...
Emakume artisauak plazara atera dira gaur Oñatin

Oñati

Hamabost postu eta hemeretzi emakume. Oñatiko emakume artista, artisau zein eskulangileak plazara atera dira gaur eta haien lanak ikusi eta ...
30 bat emakume batu dira Aramaioko Añai tabernan Emakumeen Eguna ospatzera

Aramaio

Añai tabernan elkartu dira Aramaioko emakumeak bazkaritarako. Sara Alonso artista gaztearen musikaz gozatu dute eta giro ederrean ospatu dut...
100 urte beteko dituen Matilde Arrese omendu du Sorginak Emakume Taldeak

Leintz Gatzaga

Martxoaren 14an, eguaztena, beteko ditu 100 urte Leintz Gatzagako Matilde Arresek. Gaur, herriko Sorginak Emakume Taldekoek omenaldi txiki bat egin...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.