Arrasateko Garaia Parke Teknologikoan banatu dira, seigarren urtez, Tokikom Sariak. Toki komunikabideetan egiten den kazetaritza lanaren kalitatea aldarrikatzea xede, lau sari banatu dira; kategoria ezberdinetan, Sakanako Guaixe aldizkaria, Hego Uribeko Geuria, Goierri Irrati-Telebista eta Karkara aldizkaria izan dira aurtengo irabazleak. Komunitatea josten jardunaldia egin da sari banaketarekin batera, BBC, eldiario.es eta Het Belang Van Limburg hedabideetako adituen ekarpenekin.