Madrilen zazpi urte egin ondoren, Oñatira itzuli da Goretti Abaunz, eta hasiera batean gurasoen etxera bueltatu arren, argi zuen etxe bat topatzea zuela intentzio, norbaitekin elkarbanatzeko. Haren hitzetan, Oñatin pisuak badaude, baina oso gutxi alokatzeko moduan; hala ere, ahoz ahokoari esker, etxebizitza bat alokatu zuen, eta, orain, lagun bat joango da berarekin bizitzera.