Aramaioko udalerriaren ekialdean dagoen elizatea da Untzilla. 44 biztanle eta hamazortzi baserri ditu. Muru baserria dago tartean, bere garaian dorretxe izandakoa; eta Uxarte baserria, XVII. mendean jatorria duena, nekazaritza-turismora bideratuta dago. Eliza San Pedroren omenezkoa da. Bolatoki estalia ere badago auzoan eta urriaren hasieran ospatzen dituzte jaiak.