Jaiak 2018: Antzuolako jaiak

  Gizartea  Antzuola JAIAK

2018ko Antzuolako jaien saio osoa: Mairuaren Alardea, Larrain dantza, kuadrillen arteko jolasak, hanburgesa jate lehiaketa, puzgarriak...

Herritarrak gustura ibili dira asteburuan, Antzuolako jaietan

  Gizartea  Antzuola ALBISTEAK

Festetan murgilduta pasa dute asteburua antzuolarrek. Bideoan jaien laburpen txiki bat ikus daiteke. Jaien saio berezia, eguaztenean 21:00ean eta 23:00ean eskainiko da Goiena telebistan.

Larrain dantza, jaien azken txanpan

  Gizartea  Antzuola

Jaien azken orduetan daude antzuolarrak. Amaiera ofizialaren aurretik, urtero egiten duten hitzordua izan da plazan, Larrain dantza. Aurtengoa ere jendetsua izan da, Oinarin dantza taldeak antolatuta.

»» Ikusi argazki guztiak (66)

Herri bazkaria, Ez Dot Moztuko Bizarrak antolatuta

  Gizartea  Antzuola

Jaien azken eguna dute gaur antzuolarrek, baina bada oraindik non gozatu. Eliza azpiko arkupeetan bildu dira presoen aldeko bazkaria egiteko. Antzuolarrez gain, Katalunia aldetik etorritakoak eta Debagoieneko beste herritar batzuk ere bat egin dute mahaiaren bueltan. bazkaldu ondoren, musika doinuekin jarraitu du festak.

»» Ikusi argazki guztiak (14)

Mairuaren Alardea egin dute Antzuolan

  Gizartea  Antzuola

Jaietako ekitaldi nagusia burutu dute gaur arratsaldean. Eguraldia lagun izan ez badute ere, borobil atera zaie herritarrek hain barrutik bizi duten ekitaldi hunkigarria. Lander Dominguez izan da buruzagi nagusiaren papera betetzen lehen urtez, eta, bestetik, Jose Angel Arbulurentzat, ofiziala, azken urtea izan da aurtengoa.

»» Ikusi argazki guztiak (146)

Eguraldiari tiro Mairuaren Alardean

  Gizartea  Antzuola

Jaietako ekintza nagusienetarikoa egin dute, gaur, Antzuolan; Mairuaren Alardea. Lander Dominguez izan da estrainakoz, Joseba Iparragirrek iaz erretiroa hartu eta gero, buruzagi nagusi berria. Omenaldirik ere izan da Jose Angel Arbulu ofizialarentzat. Hainbat urtean ibili da eskopetarien buru bezala eta azkenengoz bete du paper hori aurten. Hemendik aurrera, beste modu batera biziko du jaietako ikurra den emanaldia.

Bapo bete dute sabela txosnagunean

  Gizartea  Antzuola

Estrainakoz egin dute, aurten, herri bazkaria txosnagunean. Hirurogei bat lagun bildu dira mahaiaren bueltan paella jana egin eta parrandarako indarrak hartzeko. Bazkal ondoren, bingoan jolasean ere arituko dira.

»» Ikusi argazki guztiak (13)

Mahai-jolas berriak ikasi eta trebatzeko aukera jaietan

  Gizartea  Antzuola

Jolasenea elkartearen eskutik, plazan, hainbat mahai-jolas berrietan nola jolasten den ikasi eta probatzeko aukera dago Antzuolan. Lehenengoz atera dituzte Patchwork, Ethnos... bezalako jokuak kalera, herritarrak jolasen mundura murgiltzeko asmoz.

»» Ikusi argazki guztiak (24)

Hanburgesa nork denbora gutxiagoan jan lehian

  Gizartea  Antzuola

Estrainakoz egin dute Xinkona dendan hanburgesa jate lehiaketa. Lau herritar animatu dira nork denbora gutxiagoan hiru hanburgesa jatera. Imanolek lortu du lehen edizioko garaipena, eta 50 euroko saria eskuratu du bertan, dendan, gastatzeko.

Kuadrillen arteko jokoak egin dituzte Antzuolan

  Gizartea  Antzuola

Bederatzi kuadrilla ibili dira nor baino nor hobe 200 euroko saria eskuratzeko lehian. Izenbakuak taldea izan da aurtengo jaietako jokoetan garaipena lortu duena.

»» Ikusi argazki guztiak (47)