Korrikaren hamabigarren egunaren baitan, 65 mintzodromo egin ziren atzo Euskal Herri osoan. Euskal Herrian euskara gehien hitz egitea nahi den egunean nork bere alea jartzeko helburuarekin sortu zen ekimena, eta horregatik antolatu ziren mintzodromo saioak zazpi probintzietan. Debagoienekoa, kasu, Arrasaten egin zen Herriko Plazan, arratsaldeko seietan.
Atzoko saioari dagoionez, launaka eserita, bi mintzagai izan zituzten parte hartzaileek, eta, euskara oinarri izanda, erabileraren inguruan eta praktikatzeko aukeren inguruan hausnartzeko aukera izan zuten bertaratutako kideek.
Korrikako arduradun eta AEK-ko irakasle den Maite Mendizabalek balorazio positiboa egin zion mintzodromoari: "Hamasei lagun elkartu gara; guztiak arrasatearrak bergarar bat ez ezik. Saioa ondo joan da, giro onean izan gara eta espero bezalakoa izan da saioa".
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
