Iazko martxoaren 3an Arrasateko Galizia kalean auto baten azpian hilik aurkitu zuten umearen amak lau urteko zigorra beteko du. Homizidio arduragabea leporatuta, Donostiako Adingabeen Auzitegiak irailean zigor hori bera jarri zion egun adinez nagusia den arren umea hilik aurkitu zutenean adingabea zen emakumeari.
Fiskaltzak eta defentsak uko egin diote iraileko epaiari helegitea jartzeari, eta gauzak horrela, erregimen erdi irekian bete beharko du emakumeak lau urteko zigorra, azken sei hilabeteak zaintzapeko askatasunean. Heziketa zentro batean beteko du zigorra.