Beste garaipen bat MUrentzat (73-54)

MU eta Azkoitiaren arteko partidua.
19 puntuko aldeagatik irabazi dute norgehiagoka arrasatearrek, hala ere, hasieran ez dira fin ibili etxekoak. Azpeitiarrak sailkapenean zazpigarren postuan egon arren, beti izan ohi da talde gogorra, eta gaurkoan ere hala izan da.

Lehenengo minututik defentsan oso agresibo ibili dira kanpokoak, eta etxekoei partiduan sartzea ohikoa dena baino gehiago kostatu zaie. Norgehiagokako lehenengo zazpi minutuak ahaztekoak izan dira(5-14), baina Barberok defentsan egindako txapelak taldea iratzarri du. Hurrengo hiru minutuetan, atzean estutuz eta erasoan hobeto jokatuz, puntu bakarrera jarri dira(14-15).

Bigarren laurdenaren hasiera oso bestelakoa izan da, Alex Lorenzoren eta Kintanaren saskiratzeei esker, 15-4ko partziala egin dute bost minututan. Hamar puntuko aldea lortu dute Larreategiren mutilek eta epaileen erabaki eztabaidatuen arren, burua hotz mantentzea lortu dute. Aldageletarako bidea 36-28 emaitzarekin egin dute.

Partidua erabakitzeko aukera

Barbero izan da bigarren zatiaren hasierako protagonista. Zarata handirik atera gabe zortzi puntu jarraian egin ditu. Orduan partidua erabakitzeko aukera izan dute etxekoek, baina bi minutu txar izan ostean Larreategik hutsartea eskatu behar izan du. Laurden gora-beheratsua izan da, hala ere, azken erasoetan Gorka Arejolaleibak sartu dituen bi hirukoei esker, errenta politarekin amaitu dute hirugarren laurdena(54-41).

Azken hamar minutuetan, azpeitiarrak hiruko jaurtiketekin aldea murrizten saiatu dira, baina ezin izan dute gauza handirik egin. Partidu serioa jokatu dute etxekoek, eta 73-54ko emaitzarekin amaitu da partidua.

Erlazionatuak

Bi baja garrantzitsu izan arren, Ford Mugarrik aurre egin dio Urdanetari

Arrasate

Berdinketarekin amaitu da lehen zatia; bigarrenean egon da partidua.
Aretxabaletak 2-1 irabazi du Bergararen aurkako derbia

Aretxabaleta Bergara

Bergarak egin du lehenengo gola, baina UDAk buelta eman dio markagailuari bigarren zatian.
Antzuolak galdu egin du Aurreraren etxean (3-0)

Antzuola

Atzo neurtu zituen indarrak Antzuolak Aurreraren aurka. Garairen mutilak ez ziren fin ibili eta hiru gol jaso zituzten.
Estu, baina garaipena lortu du Aloñak

Oñati

Aloña Mendik Ostadar hartu du etxean gaur arratsaldean. Lehia estua izan da bi taldeen artekoa, baina Asier Ugartek azken minutuan sartutako golari...
Zapore gaziko berdinketa lortu du Mondrak etxean

Arrasate

Urola hartu zuen etxean Mondrak atzo arratsaldean. Bina berdindu zuten, baina zapore gazia utzi zuen arrasatearrengan. Izan ere, etxekoak gehiago i...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.