Aretxabaletako Andramaixetako txupinazoa ohi baino ilunagoa izan zen, Mikel Cresporen heriotzaren albistea tarteko, eta mendizale gaztea izan zuten gogoan ekitaldi xumean. Aurten UDA, herriko kirol elkartea izan da suziria jaurtitzearen arduraduna, festa giroko lau egunei hasiera emanaz.
Jai giroa handiagoa izan zen lehenago, eguerdi partean, Gazte Ekimenak antolatuta festen hasiera aurreratu eta txosnagunean bazkaria egin baitzuten herriko hainbat gaztek, kamiseta horiak soinean. Azken urteetan afaria egin izan badute ere, aurten eguerdira ekartzea pentsatu dute, eta hitzordu arrakastatsua izan da.
Bestalde, umeei zuzendutako ur jolasak ere izan ziren Arlutzeko kantxan.
2017 abu 14 Aretxabaleta
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
