Hala dio Gomezek: "Domekan, lehenengoz, herri galdeketa batean hartuko dugu parte: gaikako hondakin bilketa sistema aukeratuko dugu Aretxabaletarako. Irabazirendako garrantzitsua da bi arrazoiengatik: batetik, hainbestetan aldarrikatutako lez erabakiak herritarrek hartuko dituztelako; eta bestetik, atzean utziko dugulako orain urte batzuk %30eko portzentajearekin birziklatu beharra zegoen edo ez planteatzen zen eztabaida".
Udal ordezkarien "jarrera ona dela-eta" aho batez adostu eta onartu direla galdeketa arautzen duten baldintzak gaineratu du, eta edozein izanda ere aukeratutako sistema, "bermatuko" dela %80tik gora dagoen egungo birziklatze portzentajea ez jaistea: "Hori hala da aretxabaletar guztien erantzukizunari esker; eta horretan bai gaude Europako gorenean".
Baina zalantzak ere azaldu ditu: "Baliabide gehiagotan inbertitu behar da, lanpostuak arriskuan jarri, ingurumena, portzentaje horiek lortzeko konpromisoa hartu ez duten lekuetan erraustegia eraiki beharra dagoela pentsa dezaketelako".
Herritarrak iritzia ematera gonbidatzen ditu Irabazik: "Guztion artean Aretxabaletarako onena aukeratuko dugulako".
