Bira Ekofeministako partaideei Santi Kurtz abadearen plazatxoko biribilgunean harrera egin ostean, Ekonomatoa bisitatu zuten. Ondoren, Sastiñan elkartu ziren guztiak. Aramaixoko Talde Feministak, batez ere, lurraren defentsari lotutako proiektuak ezagutarazteko baliatu zuen aurkezpena.
Horrez gain, kontsumo ohituren aldaketaren beharrari ere heldu zieten, aipatutako Aramaioko Ekonomatoaren bidez edo bestelako ekimenei bidez, pixkanaka, bertako eta konfiantzazko produktuen kontsumoa sustatu nahian dabiltzalako. Aurkezpenean zehar azalpenak, bideoak eta kantak ere tartekatu zituzten. Bestalde, Aramaiora etorritakoek azpimarratu zuten, ekologismoan eta feminismoan erreferente dela Aramaio.
Aramaiokoaz gain, Bira Ekofeministak beste bi geldialdi ere egin zituen. Arabako Labrazan bazkaldu zuten eta gero Tuestan izan ziren, bertako makro-negutegiek eta tomate hidroponikoek, lurrean sortzen dituzten ondorioak ezagutzeko.
