Positiboki baloratu du Itsaraz proiektua bertan behera utzarazteko Espainiako Gobernuaren erabakia eta berriz martxan jartzeko aukerarik ez dutela ikusten gaineratu du: "Oraindik ez gara enpresarekin harremanetan jarri, baina lehen irakurketa da ezingo dela parke hau egin". Are gehiago, "arriskua beti hor" egongo den arren, bere esanetan, sententzia horrek dakar inguruan tamaina horretako proiekturik ezingo dela egin: "Gauza txikiagoak agian bai, baina nik esango nuke tamaina honetako proiekturik ez dela egingo Aramaion".
Itsarazi buruz gehitu du, ez zela herrirako proiektua: "Herrirako ez zen proiektu bat zen momentutik, kontra egon gara. Proiektu oso handia da, gaizki antolatutakoa eta lurraldeko plangintzarik gabe egindakoa. Horregatik, bertan behera geratzeko erabakiaren gaineko balorazio oso positiboa egiten dugu. Udaletik uste dugu energia berriztagarrien gaineko lanketa egin behar dela, baina hau ez dela bidea, eta makro-proiektuak herri txikietan inposatzea ez dugu egoki ikusten".
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
