Biomasa etorkizuneko energia izateko lanean

Ezpala baliatuta biomasa lortzeko aukera dago.
Landa izaera eta 1.go sektorea bizirik mantentzea helburu duen Aramaixo Basarri Barri proiektuaren baitan, garapen iraunkorreko ekimenak egin izan dituzte.

Esate baterako, Udalak 2008an energia berriztagarri ezberdinen bideragarritasuna aztertzeko aurre-diagonisia egin zuen. "Herriaren ezaugarri eta baliabideak kontuan hartuz, eredurik egokiena hautatzea zen helburua; eta hori, egindako ikerketen emaitzen arabera, basoetako biomasa dela ondorioztatu zen". Hala esan dute Aramaioko Udaletik. Orduan Giroa, Egimen, Biotermiak eta kanpoko beste enpresa espezializatuei ikerketak eskatu zitzaizkien eta emaitzen arabera, Aramaion District Heating izeneko proiektu bat garatzea posible litzateke. Hau da, basoetako egur baliabideetatik sortutako energiari esker, herrigune batean etxeko ur beroa banatzeko sarea ezartzea. "Ikerketek diotenez, herrigunearen ezaugarrien arabera ez litzateke obra handiegirik egin beharko, eta auzoetarako alternatibak ere aztertu ziren: biomasa galdara txikiak, besteak beste".

Orain arteko urratsak

Biomasa ikerketen jarraipenerako batzordea sortzea izan zen Udalak emandako hurrengo urratsa. Eta konturatu ziren aurreko ikerketen emaitzak ez zetozela bat ez eskaera energetikoaz ezta egin beharreko inbertsioaz ere. "Egoera berriaren aurrean, Bartzelonako Unibertsitateari eta Smarlead enpresari azterlan berriak eskatu zitzaizkien eta agereian geratu zen erakunde publikoen, ESEren (zerbitzu energetikoko enpresa) eta  herritarren elkarlanerako bideak topatu behar zirela". Horretarako, Ramon Ajuria alkateak aditzera eman duenez, besteak beste, Udalaren eta EVEren (Energiaren Euskal Erakundea), zein Arabako Foru Aldundiaren arteko bilerak egin dira. "Proiektuaren aurkezpen ekitaldiak ere egin dira interesa azaldu duten udalerriekin. Eta 2013ko maiatzean herriko kultur etxean Biomasaren inguruko jardunaldia antolatu genuen".

Biomasa proiektua garatzeko zenbait proposamen jaso dituzte gainera: Europatik dirulaguntzak lortzeko proiektua aurkezteko esan die AVEBIOM elkarte espainiarrak; Foru Aldundiak Arabako Energia Berriztagarrien Plan Estrategikoen ildoen baitan Aramaioko proiektuarekiko interesa azaldu du. Eta EVE, Hazi eta Aramaioko Udalaren arteko elkarlanerako hitzarmena egin da, basoetako baliabideak eta energia eskakizuna aztertzeko. Emaitzen arabera, EVEk, proiektuaren bideragarritasun tekniko zein ekonomikoa aztertzeko konpromisoa hartu du.

Proiektuaren alde tekniko eta ekonomikoa garrantzitsua bada, ikuspuntu sozialaren aldetik ere helburu batzuk ditu: "Lanpostu berriak sortzeko aukera dagoela uste dugu. Gainera, egurraren salneurria finkatu eta baserritar guztiei euren egurraren salmenta ziurtatuko genieke. Mendiak garbi eta egoera onean mantenduko lirateke, biomasarako beharrezkoa bertatik aterako litzateke eta. Eta gainera, gure energiaren horniketa ziurtatuko genuke".

Epe luzeko proiektua

Ez da nolanahiko proiektua Aramaion garatu gura dutena, lortuz gero, biomasa sistema herri osoan zehar edukiko lukeen aurreneko euskal udalerria izango litzateke. Kostua handia izango dela badakite, baina apustuarekin aurrera jarraitzeko asmoa erakutsi dute.

Erlazionatuak

Bisita Aragoira, biomasa instalakuntza bat gertutik ezagutzeko

Aramaio

Ramon Ajuria alkatea, EAJko Iñaki Nafarrate, Udaleko beste zenbait langile eta Arabako Diputazioko Mendia Saileko hiru ordezkari Ansoko (Ara...
Alegia eta Mañariako alkateak Aramaion izan dira gaur biomasa proiektua ezagutzeko

Aramaio

Alegiko (Gipuzkoa) alkate Unai Iraola eta Mañariko (Bizkaia) alkate Endika Jaio Aramaion izan dira gaur Udala lantzen ari den biomasa proiektua ger...
Aramaioko Biomasa proiektuak "erantzun positiboa" jaso du Eusko Jaurlaritzaren aldetik

Aramaio

Aramaion martxan jarri gura den biomasa proiektua dela-eta, Udaleko ordezkariek bilera izan zuten atzo Eusko Jaurlaritzan. Udal ordezkarien arabera...
Biomasaren proiektua bideragarria da Aramaion

Aramaio

Biomasaren proiektua tentu handiz lantzen ari da Aramaioko Udala. Hainbat izan dira 2008a ezkero egin diren urratsak eta oraindik ere luzea izango ...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.