Jose Mari Bengoa eta Mutrikutik etorriko den beste artzain gazte bat egongo dira txakurrak erakusten. Euskal arrazako artzan txakurrak izango dira, eta jendeari azalpenak emateko gogoz egongo dira biak.
Bihar, zapatua, Oñatin egingo den Herri Egunean egongo dira. Herriko hainbat abelburu egongo dira ikusgai aurten ere eta eurekin batera, baita euskal artzain txakurrak ere. Nekazarien Elkarteak antolatutako azokaren baitan ekarriko dituzte animaliak kalera.
Ohiko lekuan, unibertsitatearen aurreko zelaian, egongo dira animaliak ikusgai. Gazta lehiaketa –herriko ekoizleek egindako gazten lehiaketa– gune horretako oholtza gainean egingo da eta berdura eta fruta erakustaldia eta salmenta parrokia atzealdean eta gaztelekuaren aurrean. Artisauak, berriz, parrokiako klaustroan egongo dira.
