Oñatiko Blues Jaialdiak lehen edizio arrakastatsua izan du

Uxue Arakama 2025eko apirilaren 28a

Oñatiko Blues Elkarteak antolatutako lehen Blues Jaialdia ospatu da asteburuan Oñatin. Arima Soul, Tobaco Road, Indigo Blues eta Mingo-Sanpa Blues Blast taldeek hartu dute parte. Antolakuntzatik pozik agertu dira jaialdiak izan duen harrerarekin.

Egubakoitzean hasi zuten Jaialdia Arima Soul eta Tobaco Road taldeek Oñatiko Antixena Gaztetxean. Zapatuan berriz, Indigo Blues eta Mingo-Sanpa Blues Blast taldeek hartu zuten erreleboa Gaztelekuan.

Giro polita sortu zen bi lekuetan eta antolakuntza, musikariak baita bertaratu ziren ikus-entzuleak ere gustura agertu dira. Hurrengo urteari begira, errepikatzeko asmoa dutela azaldu dute antolakuntzatik.