Herriaren erdi-erdian dago Oñatiko plaza nagusia, XIX. mende erdialdean eraikitakoa, eta zenbait eraikin garrantzitsu ditu alboetan: udaletxea ez ezik, hor dira lazarragatar leinuaren Gipuzkoako eta Arabako eraikin multzoaren parte diren Lazarraga dorrea eta jauregia. Inguruan du San Migel parrokia ere, XV. mendekoa eta estilo gotikokoa. Sancti Spiritus unibertsitatea ere, Euskal Herriko lehendabizikoa, eraikin historikoa da, 1540koa.