Oraingo basilika egiteko lanak 1950ean hasi zituzten, Saenz de Oiza eta Laorga arkitektoen zuzendaritzapean. Basilikaren fatxadan nabarmentzen dira Pietatea eta hamalau apostoluak –Jorge Oteizaren obrak biak– eta punta zorrotzeko hiru dorreak. Sarrerako burdinazko ateak, ostera, Eduardo Txillidak egindakoak dira
Hamazortzi fraide frantziskotar bizi dira bertan gaur egun. Santutegitik metro gutxira Santuario Arantzazu Hotela, Goiko-Benta eta Sindika daude, jateko nahiz lotarako.
2005ean Gandiaga Topagunea egin zuten 60ko hamarkadan eraikitako seminarioaren hondarren gainean. 2021etik, Topagunean dago kokatua Arantzazulab, gobernantzaren eta demokraziaren berrikuntza helburu duen laborategia.
