Euskal pilota egokituko txapelketa izan da Oñatin

Gipuzkoako Kirol Egokituko Federazioak eta Gipuzkoako Euskal Pilota Federazioak antolatuta, XIV. Euskal Pilota Egokituko Txapelketa aurrera doa, eta geldialdia egin du asteburuan Oñatin. Hainbat kategoriatako partiduak jokatu zituzten zapatu goizean, eta buruz buruko bi final erabaki ziren: zehazki, gurpildun aulkian dauden gomazko paletako finalean Beñat Lizaso izan zen garaile; adimen urritasuna dutenen teniseko paletako finalean, berriz, Iraitz Huegun.