Maite Alberdi: "Autoak horma jo izan balu okerragoa izango zatekeen"

Kontrola galdutako auto batek jota, emakume bat zauritu zen zapatu eguerdian Oñatin. Ordubata inguruan izan zen ezbeharra, Motxon kalean. Aparkatze lanetan zebilen auto-gidaria, oharkabean azeleragailua sakatu eta haren kontrola galdu zuenean. Ibilgailua pareko kebab jatetxearen kontra joan zen zuzenean eta justu une horretan haren aurreko espaloitik igarotzen ari ziren bi emakumezkoetako bat harrapatu zuen.