‘Pinotxo hariekin lotu gabe’, protagonisten hitzetan

Amaia Txintxurreta 2017ko eka. 8a, 09:50

Bi urteko lanaren ostean, Ganbara faktoriaren bigarren musikal handia Corpus jaietako asteburuan estreinatuko dute Pinotxo hariekin lotu gabe. Bi ordu eta erdiko ikuskizuna moldatu du Ganbara faktoriak, istorioa eta kantuak euskarara ekarrita. 

Pinotxo hariekin lotu gabe izeneko musikala da Oñatiko Ganbara faktoriaren bigarren musikal handia, eta geroz eta gutxiago gelditzen da herrian egingo duten estreinaldirako. Aitor Biain zuzendariak aurreratu du Broadway erako musikala izango dela eta guztira 75 laguneko lan taldea dabil euskaraz estreinatuko den musikalerako lanean. 

Bi ordu eta erdiko euskarazko ikuskizuna izango da, 35 aktorek hartuko dute parte eta 80 pertsonai agertuko dira. Izan ere, aktore bakoitzak paper bat baino gehiago egingo du musikalean. 

Sarrerak
Hiru funtzio eskainiko dituzte: ekainaren 16an, egubakoitza, 18:30ean; eta ekainaren 17an, zapatua, 11:30ean eta 18:30ean. Zapatu arratsaldeko saiorako sarrera guztiak agortuta daude; zapatu goizekorako 205 sarrera gelditzen dira eta egubakoitz arratsalderako, 91. Sarrerak Txokolateixan eta Sacatuentrada.es atarian erosi ahal dira.

Erlazionatuak

Badator Ganbara Txikiren 'Pinotxo, hariekin lotu gabe'

Aitziber Aranburuzabala Juldain 2017 mai 19 Oñati

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak