Saskibaloia: Gogor lehiatutako partiduko puntuak, Aloña Mendiren etxean geratu ziren

"Emaitzak bestelakoa adierazi dezakeen arren, partidua oso gogorra izan da, hasi aurretik aurreikusten genuen moduan" adierazi zuen pozik, Gorka Judez entrenatzaileak, sailkapeneko bigarren postuan dagoen Galdakaoko Ibaizabal taldeari atzo, Zubikoa kiroldegian 76-59ko emaitzarekin partidua irabazita. ARGAZKIAK

Arantza sartuta zuten oñatiarrek Galdakaon 24 puntugatik galdu zuten-eta; horregatik, bada, indartsu eta lehiakor kantxaratu ziren, atzo, zapatua etxeko zaleen aurrean. Lehenengo laurdenean baina, ez zuten aukera handirik izan, besteak beste, taldeko erreferente den Asier de la Iglesia "ondo baino hobeto" oratuta zuten-eta bizkaitarrek.

Bigarren laurdenean, berriz, bereziki atzean  lana ondo eginda, konfiantza hartuaz joan ziren oñatiarrak. Minutu oparoak izan zituzten orduan, besteak beste, bata bestearen ostean, hiruko hiru saskiratze egitea lortuz. "Partidua irabazteko aukerak genituela hasi ginen sinisten orduan eta atsedenaldira gustura joan gara". Atsedenaldira 32-29 emaitzarekin joan ziren.

Jokalari gazteek gidaritza hartuta

Atzean oso lan ona eginez ekin zioten partiduaren bigarren zatiari: "badakigu taldea bizpahiru beteranoren jokoaren menpe dagoela, atzo baina, jokalari gazteek pausu bat aurrera eman zutela esango nuke; eta duda barik, hori da bidea, jokalari beteranoek ezin dute-eta betik egun ona izan!" gaineratu du Judez entrenatzaileak.

Azken laurdenean ere indartsu jarraitu zuten etxekoek, Ibaizabalekoek behera egin zutela aprobetxatuta: "Joaneko partiduan lortu zuten 24 puntutako abantaila berdindu gura izan genuen; lortu ez genuen arren, gustura nago taldeak gogor borrokatu zuen-eta.


Hurrengo astean, Barakaldora

Atzokoa jokatuta, sailkapenean ez da aldaketarik izango: bigarren postuan jarraituko dute bizkaitarrek eta laugarrenean, berriz, txantxikuarrek. Hala ere, Judezen esanetan, pozik ziren taldekideak eta baita Zubikoan bildutako zaleak ere: "Atzoko moduko partiduek erakusten dute, igoera fasean egoteko aukerak baditugula, eta horrek taldeari indarra ematen dio, eta jokalari gazte berriei, gogor saiatzeko motibazioa suspertzen".

Sailkapeneko beheko postuetan da datorren asteko arerioa; hala ere, Oñatiko entrenatzailearen esanetan, Barakaldokoa, ez da partidu samurra izango, Oñatin jokatutako aurrekoan irabazi egin bazuten ere.

Erlazionatuak

Sailkapenean aurrerapauso ederra Aloña Mendik, domekako garaipenarekin

Erabiltzailearen aurpegia Oñati

3-1 nagusitu zaio Aloña Mendi Zarautzi, garaipena ezinbesteko zitzaion partidu baten. Emaitzean nagusi eta jokoan ere bai, garaipenarekin ar...
Futbola: Aretxabaletak bi penalti huts egin ditu Martuteneren aurka (0-0)

Aretxabaleta

Aretxabaletak ezin izan du Martutene mendean hartu. Epaileak aldeko bi penalti adierazi dizkio Aretxabaletari lehenengo zatian; hala ere, Gorka Val...
Futbola: Realaren eta Eibarren arteko derbia Iñigo Jimenezen argazkiekin

Debagoiena

Donostian gelditu dira hiru puntuak, 53. minutuan Xabi Prietok gura barik egindako gol bati esker. Arnas pittin bat eman dio garaipenak Realari (1-...
Eskubaloia: Ford Mugarrik ezin izan du Elgoibar mendean hartu

Arrasate

23-24 bukatu da Iturripen arratsaldean jokatu duten partidua. Gol gutxiko aldearekin arrasatearrak atzetik joan dira bigarren zatiaren erdira arte ...
Futbola: Hiru puntu garrantzitsu lortu ditu Mondrak

Arrasate

Markagailuari begiratuta, lehia samurra izan dela dirudien arren, Mondrak gogor egin behar izan du lan Beasain mendean hartzeko. Galtzen hasi dira ...
Futbola: Bergarak 2-3 galdu du Anaitasunaren aurka

Bergara

Bergarak gaizki hasi du gaurko lehia eta gaizki amaitu du. Anaitasunaren aurka 2-3 galdu dute mahoneroek etxean. Modu honetan, sailkapeneko 13. pos...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.