Sailkapenean aurrerapauso ederra Aloña Mendik, domekako garaipenarekin

Erabiltzailearen aurpegia

3-1 nagusitu zaio Aloña Mendi Zarautzi, garaipena ezinbesteko zitzaion partidu baten. Emaitzean nagusi eta jokoan ere bai, garaipenarekin arnasa hartu ahal izan du Aloña Mendik.

Asteburuko kirol emaitzak

Futbola
Mondra 4 - Beasain 1
Bergara 2 - Anaitasuna 3
Aloña Mendi 3 - Zarautz 1
Aretxabaleta 0 - Martutene 0
Hernani 3 - Antzuola 1

Eskubaloia
Ford Mugarri 23 - Elgoibar 24

Saskibaloia
Natra Aloña Mendi 76 - Ibaizabal 59

Partidaren hasieran hil berri diren  Severiano Martin eta Migel Aramendi Kortaren izenean minutu bateko isilunea gorde da. Severiano Martin Jesus Martin Barbero, elkarte honetako atezainen entrenatzaile eta laguntzaile denaren aita zen. Migel Aramendi, bestalde, 1970ko hamarkadan Aloña Mendiko taldeko atezaina izan zen. Goian beude.

Oñatiarrak nagusi

Lehen zatiko lehen hamabost minutuetan berdintasuna nagusi izan bada ere, hortik aurrera gutxinaka-gutxinaka oñatiarrak nagusitzen hasi dira, eta presio horren ostean iritsi da Aloñakoan lehen gola. Partidako 25. minutuan atzelariek luze bideratutako baloia Julen Palaciosek buruz utzi dio Asier Ugarteri, eta horrek, atearen aurrean, ondo kokatutako jaurtiketa indartsu baten bidez, 1 eta 0ekoa lortu du.  Gol horren ostean Aloñako jokalariek baloiaren kontrola izaten jarraitu dute, eta aukera garbirik sortu ez badute ere, hurbilago ikusten zen 2 eta 0koa, berdinketa baino. Lehen zatiko azken minutuan Julen Palaciosek izan du bigarren gol hori lortzeko, baina gutxigatik ezin izan du baloia buruz errematatu.

Bigarren zatiaren hasieran zarauztarrak berdinketaren golaren bila irten dira, eta Mikel Aginagalderen atearen aurka aritu dira gol horren bila. Hala ere, 57. minutuan, oñatiarrek eskuin aldetik eramandako eraso baten ostean, Asier Ugartek hartu du baloia arearen barruan eta, bere markatzailea maisuki  gainditu ostean, bolea bikain baten bidez 2 eta 0koa lortu du. Gol ederra!

Partidua erabat kontrolatuta zutenean, bigarren zatiko 24. minutuan, Aloñakoek ez dute asmatu baloia atzetik ateratzen eta Cachafeirok, jaurtiketa eder baten bidez, 2 eta 1ekoa lortu du, eta urduritasuna nagusitu da Oñatiko zale eta jokalarien artean. Hurrengo minutuak zarauztarrenak izan dira, baina ez dute aukera garbirik sortu.

Partidako 85. minutuan, kontraeraso azkar batean, Asier Ugartek hirugarren gola lortzeko aukera aparta izan du, baina ez du asmatu Ruizen atearen aurrean. Hala ere, oñatiarren zorionerako, 90. minutuan, beste kontraeraso batean, Jon Lertxundik partida erabaki duen gola lortu du.

Garaipen bikaina Aloñakoek lortutakoa, sailkapenean aurrerapauso handia ematea ahalbideratzen duena.

Erlazionatuak

Futbola: Aretxabaletak bi penalti huts egin ditu Martuteneren aurka (0-0)

Aretxabaleta

Aretxabaletak ezin izan du Martutene mendean hartu. Epaileak aldeko bi penalti adierazi dizkio Aretxabaletari lehenengo zatian; hala ere, Gorka Val...
Futbola: Realaren eta Eibarren arteko derbia Iñigo Jimenezen argazkiekin

Debagoiena

Donostian gelditu dira hiru puntuak, 53. minutuan Xabi Prietok gura barik egindako gol bati esker. Arnas pittin bat eman dio garaipenak Realari (1-...
Saskibaloia: Gogor lehiatutako partiduko puntuak, Aloña Mendiren etxean geratu ziren

Oñati

"Emaitzak bestelakoa adierazi dezakeen arren, partidua oso gogorra izan da, hasi aurretik aurreikusten genuen moduan" adierazi zuen pozik, Gorka Ju...
Eskubaloia: Ford Mugarrik ezin izan du Elgoibar mendean hartu

Arrasate

23-24 bukatu da Iturripen arratsaldean jokatu duten partidua. Gol gutxiko aldearekin arrasatearrak atzetik joan dira bigarren zatiaren erdira arte ...
Futbola: Hiru puntu garrantzitsu lortu ditu Mondrak

Arrasate

Markagailuari begiratuta, lehia samurra izan dela dirudien arren, Mondrak gogor egin behar izan du lan Beasain mendean hartzeko. Galtzen hasi dira ...
Futbola: Bergarak 2-3 galdu du Anaitasunaren aurka

Bergara

Bergarak gaizki hasi du gaurko lehia eta gaizki amaitu du. Anaitasunaren aurka 2-3 galdu dute mahoneroek etxean. Modu honetan, sailkapeneko 13. pos...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.