San Martinen pentsatuta zegoena baino 49 etxebizitza gehiago egingo dituzte

Oñatiko San Martin auzoan hasiera baten asmoa 83 etxebizitza egfitea bazen, azkenean 132 egingo dituzte. Etxebizitzak txikiagoak izango dira, eta prezio mugatua izango dute.

San Martin auzoan etxebizitzak eraikitzeko plan partziala aldatzeko hitzarmena onartu zuen eguenean Oñatiko osoko bilkurak Bilduren aldeko botoekin. EAJ alderdiak kontra bozkatu zuen, azaldu zutenez, arrazoi "teknikoengatik".

Aldaketa horren ondorioz, auzo horretan hasieran asmoa zena  baino 49 etxebizitza gehiago eraikiko dira. Osoko bilkuran Mikel Biain alkateak azaldu zuenez 2006an hasi zen San Martingo urbanizazioa eta orain hutsik dagoen orubean etxebizitza handiak egitea zen asmoa. Alkatearen esanetan baina, merkatua geldi dagoela ikusita eta egoera zein den ikusita, erabaki da 83 etxebizitza libre egin behar ziren tokian 132 eraikitzea. Biainek gaineratu zuen aurreikusitakoak baino txikiagoak izango direla etxeak.

EAJ kontra

Bi puntu horiekin ados dago EAJ. Desadostasuna etxebizitza horiek izango duten prezioan dago. Alkatearen esanetan, Gobernuak proposatu du 132 etxebizitza berri horiek prezio mugatuan saltzea, hau da,  babes ofizialeko baten salneurria bider, gehienez, 1,7.

Lourdes Idoiaga jeltzaleak adierazi zuenez, legeak dio etxebizitzen %65a babestutakoa izan behar dela, eta proposamen horrek ez duela hori betetzen. EAJtatik egiten duten planteamendua da da egingo diren 132 etxebizitza horietatik 32 babestutakoak izatea, eta 100, prezio mugatukoak. Bozeramaile jeltzaleak gaineratu zuen balorazio ekonomikoari begiratuz ere aldea nabarmena dela eta Udalak konpetentzia osoa duela etxebizitza sustatzaileekin beste modu bateko hitzarmena egiteko.

Hiru enpresa

behin osoko bilkuran aldaketa jasiotzen duen hitzarmena onaruta, laster sinatuko dute hitzarmena etxebizitzak eraikiko dituzten hiru sustatzaileekin: San Martin Berri, San Martinalde eta Mojasoro.

Etxebizitza hauek erosi ahal izateko ez da aparteko baldintzarik eskatuko, berez, edozeinek eskuratu ditzake.

Ez dago lanak hasteko datarik, baina sustatzaileek egutegi bat aurkeztu eta bete beharko dute. Hitzarmena sinatzen dutenean gainera, enpresek urtebeteko epea izango dute San Martin auzoan dagoeneko jasota baina amaitu gabe dagoen eraikinari, etxebizitzak saldu ala ez, fatxada jartzeko. Horren berme moduan, enpresek banku abal bat aurkeztu dute dagoeneko. Mikel Biain alkateak adierazi du gainera, horixe izango dela aurrerantzean herrian egingo diren eraikinekin jarraituko den politika.

Erlazionatuak

Alegazioa jarri dio EAJk San Martingo etxebizitzen plan partzialaren aldaketari

Oñati

Jeltzaleek azpimarratu dute bat datozela Udal Gobernuaren plan partziala aldatzeko arrazoiarekin, baina Bilduk egindako proposamenak araudia ez due...
San Martingo etxebizitzek ika-mika piztu dute udaleko bi alderdien artean

Oñati

Oñatiko EAJk salatu du Bilduren gobernuak "arau-haustea" egin duela San Martingo etxebizitzen kudeaketan, eta Bilduk erantzun dio San Martingo hitz...
EAJren salaketei erantzunez, Oñatiko Udal Gobernuak dio San Martingo hitzarmenak "goitik behera" betetzen duela legea

Oñati

Oñatiko EAJk salatu du San Martingo babes ofizialeko etxebizitzen kudeaketan Bilduren gobernuak "arau-haustea" egin duela. Kudeaketa "txarra" egin ...
Oñatiko EAJk salatu du Bilduren gobernuak "arau-haustea" egin duela San Martingo etxebizitzen kudeaketan

Oñati

Bilduren gobernuak hartutako erabakiak "ez ditu betetzen" indarrean dauden babes ofizialeko etxebizitzen arauak, jeltzaleen esanetan. San Martingo ...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.