Oñatiko EAJk salatu du Bilduren gobernuak "arau-haustea" egin duela San Martingo etxebizitzen kudeaketan

Bilduren gobernuak hartutako erabakiak "ez ditu betetzen" indarrean dauden babes ofizialeko etxebizitzen arauak, jeltzaleen esanetan. San Martingo babes ofizialeko etxebizitzekin kudeaketa "txarra" egin izana egotzi diote Bilduri eta, ondorioz, "32 familiak dagokien salneurria baino %70 gehiago ordaindu beharko" dutela salatu dute. Lourdes Idoiagaren esanetan, EAJk egindako proposamena "askoz sozialagoa" da eta oñatiarrentzat "mesedegarriagoa eta justuagoa". Albiste barruan, EAJko Udal Taldearen prentsa-oharra.

"EAJ-PNVren udal taldeak salatu egin du San Martingo etxebizitzen eraikuntzaren inguruan Bilduren gobernuak hartutako erabakiak ez dituela indarrean dauden babes ofizialeko etxebizitzen arauak betetzen. Jeltzaleen udal bozeramaileak, Lourdes Idoiagak, esan duenez, San Martingo promozioari dagozkion arauetan babes ofizialeko portzentaia erabakitzeko kalkulu oinarria ez dagokio eraikigarri den azalerari, etxebizitza zenbakiari baizik. Idoiagak dioenez, Bilduk onartutako proposamenaren arabera, hasierako planean aurreikusita zeudenak baino 49 etxebizitza gehiago eraikiko dira. Kasu honetan ezarri beharreko araudiaren arabera, 49 etxebizitza horien %65ek, hau da, 32 etxebizitzak, babes ofizialekoak behar dute izan eta ez libreak. 

EAJ-PNVren udal taldeak prentsa ohar batean adierazi du aurrez plenoan esandakoa, Bilduren gobernuaren kudeaketa txarraren ondorioz ez dela araudia hausten bakarrik, baizik eta etxebizitza hauek baldintza hauetan saltzeak kalte egingo diela 32 familiei, dagokien salneurria baino %70 gehiago ordaindu beharko baitute, 90.547€ gehiago. Honek suposatzen du gizarte aurrezki bati uko egiten diola Bilduren gobernuak, 2,9 milioi eurotako gizarte aurrezkiari.

Lourdes Idoiagaren esanetan, EAJ-PNVk egindako proposamena askoz sozialagoa da eta araudia betetzeaz gain oñatiarrentzat askoz mesedegarriagoa eta juxtuagoa da. Jeltzaleen proposamenaren arabera 132 etxebizitzetatik 32 babes ofizialekoak izango lirateke, bataz beste 129.352€ tako salneurriaz, eta gainontzeko 100 etxebizitza libreek bataz beste 219.899,59€ tako  salneurriaz (babes ofizialekoak x 1,7). Bilduren erabakiaren arabera ordea, 132 etxebizitza bataz beste 219.899€  tan salduko dira.

EAJ-PNVren udal taldearen iritziz, ez dago inolako beharrik oñatiarrek beraien etxe bizitzak behar baino gehiago ordaintzeko. "Gure proposamena gizarte ikuspegi batetik aurreratuagoa da eta gure pertsonaren aldeko apustuarekin bat egiten du. Etxebizitza San Martinen erosiko dutenek 2,9 milioi  euro gutxiago ordainduko lituzkete eta bestalde, gazteentzat  babes ofizialeko etxebizitza gehiago egongo lirateke. Aldiz, Bilduren gobernuaren erabaki honen ondorioz, zenbait oñatiarrek gehiago ordaindu beharko dituzte benetako beharra eta eskubidea  diren etxebizitzak", dio Idoiagak".

Erlazionatuak

Alegazioa jarri dio EAJk San Martingo etxebizitzen plan partzialaren aldaketari

Oñati

Jeltzaleek azpimarratu dute bat datozela Udal Gobernuaren plan partziala aldatzeko arrazoiarekin, baina Bilduk egindako proposamenak araudia ez due...
San Martingo etxebizitzek ika-mika piztu dute udaleko bi alderdien artean

Oñati

Oñatiko EAJk salatu du Bilduren gobernuak "arau-haustea" egin duela San Martingo etxebizitzen kudeaketan, eta Bilduk erantzun dio San Martingo hitz...
EAJren salaketei erantzunez, Oñatiko Udal Gobernuak dio San Martingo hitzarmenak "goitik behera" betetzen duela legea

Oñati

Oñatiko EAJk salatu du San Martingo babes ofizialeko etxebizitzen kudeaketan Bilduren gobernuak "arau-haustea" egin duela. Kudeaketa "txarra" egin ...
San Martinen pentsatuta zegoena baino 49 etxebizitza gehiago egingo dituzte

Oñati

Oñatiko San Martin auzoan hasiera baten asmoa 83 etxebizitza egfitea bazen, azkenean 132 egingo dituzte. Etxebizitzak txikiagoak izango dira, eta ...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.