"Eskola publikoaren komunitatea indartu eta indar hori erakutsi gura dugu"

Goiatz Arana Begiristain 2026ko apirilaren 14a

Goieskolak, Debagoieneko Euskal Eskola Publikoen sareak, 25 urte betetzen ditu aurten, eta egun osoko jaiarekin ospatuko du urtemuga, apirilaren 18an. Eskoriatzan izango da jaia, Luis Ezeiza ikastetxearen 55. urteurrenarekin bat eginez. Maitane Gomez de Segurak, Eskoriatzako Luis Ezeiza Herri Eskolako zuzendariak; eta Juan Carlos Pascual Pascu-k, Goieskolako idazkariak eman dute horren berri.

Goizetik hasita, egun guztirako egitaraua antolatu dute zapaturako Eskoriatzan. Potx eta Lotx pailazoak egongo dira, elkarte ezberdinek azoka jarriko dute, Alarma Morea taldea, Aliritzi taldearen erromeria parte-hartzailea, oihal akrobazien eta gimnasia erritmikoaren erakustaldiak, 4D/49, Babesgabe eta Perlata taldeka, herri bazkaria, txaranga, Puntu Morea, Food Truck-ak ...

Egitarau osoa hemen dago ikusgai edo Goieskolako webgunean.

Kartelaren egilea: @malenbalerdi

Autobus zerbitzua indartu dute

Festara joateko autobus zerbitzua indartu dute. Lurraldebusen zerbitzu berezia jarriko du Aldundiaren Mugikortasuneko, Turismoko eta Lurralde Antolaketako Departamentuak, Bergaratik abiatuta. Elorregin ere izango du geldigunea.