BERBAGAI

Zientziaz, biologiaz eta osasunaren arloan duen aplikazioaz hitzegin dute Berbagai saioan. Iker Badiola biologo bergararra izan da gonbidatua, eta minbiziaren ikerkuntzaz, negazionismoaz eta dibulgazio zientifikoaren garrantziaz aritu dira, besteak beste. Badiola EHUko Kultura Zientifikoko Katedraren zuzendaria da 2024ko irailetik, eta saioan primizia bat ere aurreratu du.

Telesforo Monzon Euskal Herrigintza Laborategiko zuzendari exekutiboa da Malen Dominguez. Bergarako Olaso Dorrean kokatuta dago laborategia, eta 2019an ekin zion ibilbideari. Euskal Herriaren garapenean estrategikoak diren jakintza esparruetan proposamenak eta hausnarketak lantzen dituzte bertan. Zazpi urteko ibilbidea, laborategiaren egitekoak eta etorkizuneko erronkak izan dituzte hizpide Berbagai saioan.

Hizkuntza komunitate gutxituen biziberritzea izango dute hizpide Berbagai saioan. Gaiari buruzko nazioarteko eztabaida ekarriko du Euskal Herrira Bihar kongresuak; Bilbora, Irunera eta Hendaiara, zehazki, irailaren 23tik 26ra. Gorane Aiesta Garabide elkarteko kidea eta Bihar egitasmoaren koordinatzailea da. Soziolinguistika Klusterra, Taupa mugimendua eta Plazara kolektiboarekin elkarlanean antolatu dute kongresua.

Dikar kooperatibako zuzendari nagusi Esther Korta Berbagai saioan izan da. Ternuaren erosketaz eta Bergaratik Arrasatera lekualdatzeaz hitz egin dute, besteak beste.

Ikastolen Elkarteko zuzendari nagusia da Agurne Barruso bergararra. Euskal Filologian lizentziaduna, Elhuyar Aholkularitzan nahiz politikagintzan ibilitakoa da, eta 2024 urte hasieran hartu zuen egungo kargua. Ikasturte hasiera, euskararen egoera, digitalizazioa, gaur egungo erronkak eta Kilometroak jaia izan dute mintzagai Berbagai saioan.