Eguerdian hasi zuten ospakizuna, eta eguneko ekitaldi jendetsuena bazkaria izan zen. 200 bat lagun elkartu ziren mahaiaren bueltan, paella jateko.
Bazkal ostean binakako saskibaloi txapelketa jokatu zuten. Edonork har zezakeen parte, eta ondorioz, jokalariak, gurasoak eta baita zuzendaritzako kideak ere animatu ziren baloia hartu eta saskira jaurtitzen.
Izan Eskozale kanpaina
Eskoriatza kirol elkarteak bi sail nagusi ditu: saskibaloia eta areto futbola. Saskibaloian emakumezkoen taldeak dituzte, infantiletatik hasi eta nagusienetara, gazte mailakoa izan ezik. Areto futbolean, aldiz, emakumezkoen eta gizonezkoen taldeak daude.
Herritarrek elkarteari ematen dioten laguntza eta babesa nabarmendu dute elkartetik.
Eskoriatza kirol elkarteak Izan Eskozale kanpaina jarri du abian. Helburua da bazkide eta laguntzaile berriak erakartzea elkartera.
