Astelehenean, Merkatari aplikazioaren aurkezpena egin zuten Eskoriatzan. Bertan, Joserra Zubizarreta Eskoriatzako alkatea, Eneritz Zubia Ibarraundiko teknikaria, eta Asier Amutxastegi eta Raul Uriarte Merkatari proiektuko kideak batu ziren, proiektuaren xehetasunak emateko. Eskoriatzako 36 komertziok hartu dute parte proiektuan eta aplikazioaren helburua herriko merkatarien eta bezeroen arteko komunikazioa hobetzea da.
Aplikazioa erabiltzen duten bezeroen artean, gainera, zozketak ere izango dira datozen asteetan. Gaur hasiko da lehenengo zozketa, eta parte hartzeko, App Storetik edo Play Storetik aplikazioa jaitsi eta erabili egin beharko da.
Aplikazioaren kanpaina egiteko, bestalde, iragarki bat ere egin dute, herriko merkatarien laguntzarekin. Hala, eguaztenean, 19:00etan proiektatuko da bideoa, Fernando Eskoriatza plazan, beste hainbat ekintzekin batera.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
