Aplikazioaren helburua herriko merkatarien eta bezeroen arteko komunikazioa hobetzea da. Hori horrela, promozioak, herriko eskaintza, komertzioekin komunikazio zuzena eta eskaerak egiteko aukera ematen duen aplikazioa sortu berri dute, besteak beste.
Eskoriatzako 36 komertziok hartu dute parte proiektuan eta aste hauetan promozio bereziak eta zozketak izango dira aplikazioa erabiltzen dutenentzat. Horrekin batera, aplikazioa herritarren artean zabaltzeko, sustapen-bideo bat egin dute, herritarrak aplikazioa erabiltzera gonbidatuz.