Atzo, eguerdian izan zen Eskoriatzako III. Pintxo lehiaketako sari banaketa, herriko plazan. Hala, jende dezente batu zen bertan, eta giro ederra sortu zuten herritarrek.
Epaimahai lanetan, honako hauek aritu ziren: Iker Esteban Zumeltzegi dorreko sukaldaria, Itziar Ezpeleta Olazar jubilatu elkarteko kidea, Edurne Uribesalgo Gamarra Ostalaritza eskolako irakaslea, Salva Garcia Luis Ezeiza Herri Eskolako sukaldari ohia, eta Joseba Bartol Arrasateko Ospitaleko sukaldaria.