Lehiaketa egubakoitzean hasi zen, eta gaur eguerdian atera dituzte hiru pintxoak tabernetatik plazara herritarrek probatu ditzaten. Giro aparta izan da, eta herritarren zein epaimahaiaren botoekin batera, Urrestillakoa izan da aurtengo lehiaketako irabazlea.
Herriko merkataritza eta ostalaritza sustatzeko eta pintxoak egiterakoan bertako produktuak erabiltzeko helburuarekin antolatutako lehiaketan, hiru tabernek hartu dute aurten, parte, eta honako pintxoak egin dituzte: Akeita tabernak Neguari Koxk, Urrestilla tabernak Kokotxa-nel eta Mirentxuk Frantsesatxue.
"Pozik" lehiaketak eman duenarekin
Hala, egubakoitzean, eta zapatuan 300 pintxotik gora saldu zituzten, gaur goizean saldutakoak kontatu barik."Pozik gaude lehiaketak eman duenarekin. Hiru tabernek soilik hartu dute parte, baina jendeak erantzun du. Urrestillak irabazi arren, 50 euroko bi sari banatu ditugu; bata, parte hartu duen tabernetan gastatzeko saria izan da, Jon Urrutiak jaso duena, eta 50 euroko beste saria, honakoa, herriko dendetan gastatzeko izango dena, Txaro Kortazar."